Lærlingar

Lærlingar

Thor Tenden Transport AS er lærebedrift og vi tek inn fleire lærlingar kvart år. Vi søkjer lærlingar med god innstilling til sjåføryrket. Vi har fleire transporttypar og kan tilpasse læring ut frå interesse for enten langtransport, nærtransport, bulk eller slakteriavfall.

Vi er spesielt opptekne av at våre lærlingar skal få prøve mykje ulikt utstyr slik at dei får ei stor breidde i si læreperiode. Vi har flotte bilar og mykje nytt utstyr, så utstyret som vert utprøvd er av det beste på markedet. Vi har stor breidde i selskapet sidan vi har mange ulike tenester som termo, vindu, trapper, distribusjon, slakteavfall, kraftfor, walking floor, etc.

Mange lærlingar skaper godt miljø og kultur, så for Tenden er dette ein vinn-vinn situasjon.

I Thor Tenden Transport AS er vi stolte av å kunne seie at vi har ei leiing som fokuserar på og sikrar god opplæring.

“Eg valde å begynde hos Tenden på grunn av variasjonen i arbeidet dei har. Ein kan prøve å køyre skapbil lasta med stykkgods, trapper og vindu til bilar med aggregat lasta med tempererte varer. Ein kan også prøve krok og bulkbilar som køyrer slakteriavfall, mjøl, og asfalt og framleis holde seg hos Tenden. ”

Simon Haugen Vinsrygg | Lærling